Хаклă хěрарăмсем!

Сире Анне кунě ячěпе пěтěм чунтан саламлатăп!

Анне кунě - çутăран та çутă, таса, чуна хумхантаракан уявсенчен пěри. Çав ытарайми вăхăтра ачасене пăхса çитěнтерекен мěнпур хěрарăма чунтан хисеплесе ăшпиллěн тав тăватпăр. Вěсен ачаш аллисем кил вучахне типтерлěн сыхласа упраççě, пепке тивěçлěн ӳссе çитěнекен тата унăн тавракурăмě йěркеленекен кил-çурта хăтлăх кӳреççě.

Юратнă аннесем! Пире пурнăç тата вěçсěр-хěрсěр юрату парнеленěшěн эпир сирěн умăрта тӳлесе татайман парăмра. Витěмлě пулăшăвăршăн, ачаш та ырă кăмăллă пулнăшăн, пире ăнланнăшăн сире чун-чěререн тайма пуç. Сирěн килěрте яланах килěшӳпе тăнăçлăх хуçаланччăр! Пурсăра та çирěп сывлăх, телей тата йăл кулăпа савăнăç пиллекен самантсене май пур таран ытларах курма сунатăп!

Елчěк район администрацийěн пуçлăхě                                Л.В. Левый