«Хавхалану» фестиваль-конкурс хавхалантарчĕ
![«Хавхалану» фестиваль-конкурс хавхалантарчĕ](https://fs01.cap.ru/www20/yaltch/news/2020/11/05/8b145df4-4083-40b8-87f9-5d3f6f007051/041120_lbdcjw1o.jpg?i=83)
Йăлана кĕнĕ тăрăх кашни ҫулах Республикăри Вĕренÿ институчĕпе Шупашкарти Г.Н.Волков ячĕллĕ 62-мĕш вăтам шкул Г.Н.Волков академика халалласа «Хавхалану» фестиваль-конкурс ирттерет. Йĕркелекенсем палăртнă тăрăх кăҫал ҫак фестиваль-конкурсра 407 ĕҫ пăхса тухма пултарнă. Ҫакă вара конкурс ҫулран-ҫул вăй илсе аталанса пынине ҫирĕплетет.
Аслă Елчĕкри Г.Н.Волков ячĕллĕ пĕтĕмĕшле пĕлÿ паракан вăтам шкулти 5-мĕш класс ачисем (ертÿҫи Л.Г. Адюкова) ҫак фестиваль-конкурса хутшăннине палăртнăччĕ-ха. Ҫамрăк артистсем вара хăйсен ĕмĕтне шанăҫа кăларчĕҫех. Вĕсем «Г.Н.Волков хайлавĕсен сцена çине тухнă чи лайăх курăмĕ» номинацинче 2-мĕш вырăна тухма пултарчĕҫ. Саламлатпăр вĕсене! Малашне те ҫĕнĕ ҫитĕнÿсем патне ăнтăлма сĕнетпĕр.