Çурхи Ырă Эрнен пысăк пайне тавралăха тирпей-илем кĕртесси йышăнать. Эрне районти ялсен, предприятисемпе организацисен территорийĕсенче тирпей-илем кĕртессипе, тасамарлăха пуçтарассипе çыхăннă çирĕм кунлăхпа пĕр вăхăтра килнĕ май, ĕç калăпăшĕ тухăçлă пулмалли куç кĕрет. Канмалли кунсенче чăннипех те тирпейлĕхшĕн тăрăшакан çемьесем хăйсен кил-çурчĕсен таврашне çỹп-çапран, тасамарлăхран тасатрĕç. Тунти кун вара предприятисемпе организацисенче те лав хускалчĕ. Чи малтисенчен пĕрисем Елчĕкри РЭС ĕçченĕсем пулчĕç. Район администрацийĕн пайĕсен, казначейство, тĕп больница ĕçченĕсем те çак кун чылай ĕç пурнăçларĕç.
Дополнительно
21 апреля 2004
00:00
"Елчĕк Ен"