Çуткỹлĕнчи Леонид Александровичпа Августа Васильевна Леонтьевсем иртнĕ çул вĕçĕнче мăшăрланăвăн 70 çулне кĕтсе илнĕ. Тивлет туйне паллă тунă çемье.

Ултă ачана кун çути парнеленĕ мăшăр хăйсен ĕмĕрне вырăнти хуçалăхра ĕçлесе ирттернĕ. Тылри, производствăри хастарлăхне кура медальсемпе Хисеп хучĕсене, хаклă парнесене пĕр хутчен мар тивĕçнĕ.

Кавал ялĕнчи Александра Ефимовна Федорова вара Раштав уявĕнче 95 çул тултарнă. Вăл та мĕн пĕчĕкрен хĕрỹ ĕçре пиçĕхнĕ. «Победа» колхозăн хисеплĕ колхозници паян ывăлĕн çемйипе килĕшỹре пурăнать. Пилĕк ачипе 10 мăнукĕ кичемлĕхе путма памаççĕ ăна.

Юбилярсене Елчĕк муниципалитет округĕн пуçлăхĕ Леонард Левый саламланă, вăрăм ĕмĕр, çирĕп сывлăх суннă.