Федераци шайĕнче пурнăçланакан «Хăтлă хула хутлăхĕ» наци проекчĕпе килĕшỹллĕн районта пурăнакансен Елчĕкри «Ырсамай» кану паркне тата Аслă Елчĕк ялĕнчи сквер пулакан вырăнти лаптăка хăтлăх кĕртме тăратнă дизайн-проектсемшĕн сасăлама май пур.

Çынсене сасăлама хутшăнма явăçтарас тата çак мероприятин пĕлтерĕшĕ пирки ăнлантарса парас ĕçре волонтерсем пысăк пулăшу кỹреççĕ. Елчĕк районĕнче çак ĕçпе 30 ытла волонтер тимлет.

Çавăн пекех онлайн-сасăлава 21.gorodsreda.ru тата «Госуслуги» сайтра хутшăнма пулать.