Çĕнĕ çул умĕн район пуçлăхĕ Алина Васильева, район администрацийĕн пуçлăхĕ Леонард Левый районăн экономикăпа социаллă аталанăвĕнче, унта пурăнакансене кăмăл-сипет, патриот воспитанийĕ парассинче сулмаклă утăмсем тăвакан харсăр ĕçченсене «Чăваш автономине йĕркеленĕренпе 100 çул» юбилей медалĕпе чысланă. Хальхинче награда илнисен йышĕнче – педагогика ĕçĕн ветеранĕ Николай Кириллов /Вырăскасси ялĕ/, ЧР культурăн тава тивĕçлĕ ĕçченĕсем – Людмила Зайцева, Курнавăш библиотекин заведующийĕ Раиса Горшкова, район администрацийĕн финанс пайĕн сектор заведующийĕ Роза Антонова.
Е.ИГНАТЬЕВА сăн ÿкерчĕкĕнче: Л.Левый, Р.Антонова, А.Васильева, Р.Горшкова, Л.Зайцева, Н.Кириллов.