Çĕнĕ çул кирек хăш ÿсĕмри çыншăн та асамлă та кĕтнĕ уяв.

Чăваш Республикин Патшалăх Канашĕн депутачĕ Юрий Попов, район администрацийĕн пуçлăхĕ Леонард Левый уяв умĕн Тăван çĕршывăн Аслă вăрçин ветеранĕсен – Чăваш Тăрăмĕнчи Илья Степанович Волков, Кармалти Иван Алексеевич Алексеев, Элекçей Тимешри Петр Дмитриевич Кузьмин, Аслă Елчĕкри Петр Алексеевич Печков – килĕсенче пулнă. Ертÿçĕсем вĕсене уяв ячĕпе саламласа парнесемпе чысланă.