Районта юпа уйăхĕн 2-мĕшĕнчен пуçласа чÿк уйăхĕн 2-мĕшĕччен гражданла оборонăн уйăхлăхĕ иртет.

Ăна  гражданла оборона тата чрезвычайлă лару-тăрури çивĕч ыйтусене сÿтсе явас, халăхăн харкам хăй тата общество умĕнчи   яваплăхне  ÿстерес, хăрушсăрлăхшăн тăрăшас тата çамрăк ăрăва чрезвычайлă тата техногенлă лару-тăру сиксе тухас пулсан  хăйсене мĕнле хÿтĕленмеллине вĕрентес тĕллевпе ирттереççĕ.

Уйăхлăхра гражданла оборонăна туса хунăранпа 83 çул çитнине халалланă тĕрлĕрен тĕлпулусем, шкулсенче уçă уроксем, смотр-конкурссем тата тĕрлĕрен тренировкăсем иртеççĕ.