Юпа уйăхĕн 25-мĕшĕнче Чăваш патшалăх культура тата искусство институтĕнче 11-мĕш класра тата аслă шкулсенче вĕренекенсен хушшинче вырăс литература предмечĕпе республикăри иккĕмĕш олимпиада иртнĕ.

Унта Çирĕклĕ Шăхаль шкулĕнче пĕлỹ илекен Алина Галкинăпа Диана Солина хутшăннă. Диана олимпиадăн лауреачĕ ята çĕнсе илсе 2-мĕш степень Диплома, унăн ертỹçи - вырăс чĕлхипе литературине вĕрентекен Г.Николаева Тав хутне тивĕçнĕ.