Патшалăх пулăшăвĕсен пĕрлехи порталĕ урлă халăх килтен тухмасăрах патшалăхăн тĕрлĕ пулăшăвĕпе усă курма пултарать.

2014 çулхи çĕртме уйăхĕнчен пуçласа асăннă порталта çăмăллатнă регистраци хута кайнă. Граждансем карас телефонĕ урлă е электрон почтин адресĕпе уйрăм кабинет уçма пултараççĕ.

Пулăшупа туллин усă курас тесен гражданинăн харпăр хăй кабинетĕнче çак кăтартусене палăртмалла: хушамат, ят, ашшĕ ячĕ, çуралнă вăхăт, паспорт, СНИЛС кăтартăвĕсем.

Çын хăй кам пулнине çирĕплетнĕ хыççăн пулăшу ĕçĕсене электрон мелĕпе илме пултарать. Çакна темиçе майпа пурнăçлама май пур: çирĕплетỹ кодне кăтартнă çырăва Раççей почти урлă саккас парса, "Ростелеком" АУН центрĕсем пулăшнипе, квалификациллĕ электрон уçă хатĕрĕпе е универсал электрон карттăпа (УЭК) усă курса.

Раççей ШĔМĕн территори органĕсенчи лицензипе ирĕк паракан ĕçĕсен подразделенийĕсем паянхи кун хĕç-пăшал туянма тата упрама ирĕк паракан лицензи е уйрăм хуралçăн удостоверенине илнĕ чух граждансене электрон мелĕпе усă курма сĕнеççĕ.

Л.НИКИФОРОВА,

шалти ĕçсен пайĕн сотрудникĕ.