Юлашки улăшăнусемпе килĕшỹллĕн, ют çĕр-шыв паспортне хатĕрлессипе çыхăннă йĕркесене ансатлатнă.

Ют çĕр-шыв паспортне илес тесен гражданинăн федерацин миграци службине пĕр экземплярпа заявлени çырса памалла (ĕç вырăнĕнчен илнĕ шантару кирлĕ мар ку чухне), çавăн пекех çумра РФ гражданинĕн паспорчĕ, 18-27 çулсенчи арçынсен çар билечĕ, патшалăх пошлинине тỹленине ĕнентерекен квитанци пулмалла. Кунтах сăн ỹкерчĕк хатĕрлĕç.

Ют çĕр-шыв паспорчĕпе çыхăннă улшăнусем те пур. Малашне ăна 10 çула параççĕ, страницăсен шучĕ, хỹтлĕх паллисем малтанхинчен нумайрах.

2015 çулхи кăрлач уйăхĕнчен ют-çĕршыв паспортне илессипе çыхăннă патшалăх пошлинисем ỹснине кура, граждансене паспорт тăвас ĕçе халех пуçăнма йыхравлатпăр.

Паспорт илес тесен патшалăх пулăшăвĕсемпе тивĕçтерекен вырăнти нумай функциллĕ центра та пыма пултаратăр.