Чăваш Республикин Пуçлăхĕ Михаил Игнатьев Чулхула чукун çулĕ - "РЖД" ОАО филиалĕн начальникĕпе Анатолий Лесуновпа ĕçлĕ тĕл пулу ирттернĕ.

Чăваш Республикин Пуçлăхĕ хăнана вĕсен енчен Чăваш Республикине уйăракан тимлĕхшĕн тав тунă. Чулхулари чукун çулпа тачă çыхăнса ĕçлени пĕрлехи тĕллеве - "Раççейри чукун çулсем" паракан пулăшупа усă курассине тата лайăхлатма май панине палăртнă вăл.

Чулхула чукун çул начальникĕ те Чăваш Енри паха ĕç опытне - çул çинче пулма пултаракан инкексенчен асăрханса чукун çул урлă каçмалли икĕ вырăнта фото тата видефиксаци комплексĕн стационарĕсене вырнаçтарнине, çак тĕллевпе тата ытти ĕçсем те тума палăртнине ырланă.