Районта сумлă ватăсене чысласси çирĕп йăлана кĕнĕ.

Çуткỹлти Мария Воронова, Яманчỹрелĕнчи Вера Сергеева 90 çулхи юбилейĕсене тулли кĕрекере кĕтсе илнĕ.

Мария Павловна - вăрçă ветеранĕн тăлăх арăмĕ. Вĕсем Дмитрий Герасимовичпа çичĕ ача çуратса ỹстернĕ. Ĕç ветеранĕ ĕмĕрне тăван хуçалăхра ĕçлесе ирттернĕ. Халĕ кĕçĕн хĕрĕн çемйипе пĕрле пурăнать.

Вера Васильевна та тăван колхозра ĕçлесе тивĕçлĕ канăва тухнă. Мăшăрĕпе тăватă ача çуратнă. Халĕ вăл 22 мăнукĕпе тата кĕçĕн мăнукĕпе савăнать.

Ĕç ветеранĕсене Курнавăш, Лаш Таяпа ял тăрăхĕсен пуçлăхĕсем В.Кузьминпа С.Ермакова Раççей Президенчĕн саламлă çырăвне панă, асăнмалăх парнесемпе савăнтарнă. Вырăнти культура ĕçченĕсем юбилярсене савăк юрăсемпе тыткăнланă.