Çак кунсенче Елчĕк район администрацийĕн çул çитменнисемпе тата вĕсен прависене хỹтĕлессипе ĕçлекен комиссин анлă ларăвĕ пулса иртнĕ.

Ăна Елчĕк район администрацийĕн пуçлăхĕн пĕрремĕш çумĕ - райадминистрацин вĕренỹпе çамрăксен политикин пайĕн начальникĕ Л.Левый ертсе пынă.

Ларăва хутшăннисем хальхинче ăнăçсăр çемьесемпе ĕçлес, вĕсене вăхăтра асăрхас, ачисем çине алă çĕклекен ашшĕ-амăшне тупса палăртас ыйтусене хускатнă.

Елчĕк район администрацийĕн çул çитменнисемпе тата вĕсен прависене хỹтĕлессипе ĕçлекен комисси паянхи кун социаллă йывăр лару-тăрури 21 çемьене шута илнĕ, вĕсенче çул çитмен 34 ача çитĕнет. Çавăн пекех районта "хăрушлăх ушкăнне" кĕртнĕ, преступлени çулĕ çине тăма пултаракан 57 ача шутра тăрать.

Кăçал паянхи кун тĕлне асăннă комисси 45 административлă ĕç пăхса тухнă, çав шутран 12-шĕ - çул çитменнисем, 33-шĕ ашшĕ-амăшĕ тĕлĕшĕпе.