06 августа 2014 г.

Районта масарсене тирпейлĕ тытса тăрассине сăваплă ĕç вырăнне хурасси ырă йăлана кĕнĕ.

Анатри Тимешсем ку енĕпе ятарлă субботник ирттернĕ. Масар йĕри-тавра сетка тытса çавăрнă, çỹллĕ ỹснĕ йывăçсене каснă, çỹп-çапа пуçтарнă. Уйрăмах О.Гаврилов, О.Александров пысăк пуçарулăхпа палăрнă. Маларах ял çыннисем пĕрле пухăнса кĕпере юсанă.

Вăрăмхăвасем те сăваплă вырăна тирпейлĕ тытма тăрăшаççĕ. Çĕртме уйăхĕнче масар йĕри-тавра сетка тытса çавăрнă. Çак кунсенче масар алăкне çĕннипе улăштарма вăй çитернĕ.