06 августа 2014 г.

Районта Сывлăш десант çарĕн кунне анлă паллă тунă.

Йăлана кĕнĕ тăрăх ВДВ ветеранĕсем чи малтанах çар комиссариачĕ умне пухăннă. Унтан вилнĕ çар çыннисене асăнса лартнă палăксен умне чечек кăшăлĕсем хунă, пĕр минут шăп тăнă. Каярах "кăвак беретлисем" райцентрăн урамĕсемпе стройпа утнă.

Пухăннисене уяв ячĕпе районти хĕрарăмсен канашĕн председателĕ Е.Михайлова, район администрацийĕн культура тата информаципе тивĕçтерекен пайĕн начальникĕ А.Александрова, районти воин-интернационалистсен канашĕн председателĕ П.Анисимов саламланă. Культура ĕçченĕсем ветерансене чуна пырса тивекен юрăсемпе савăнтарнă. Десантниксем хăйсем те юрăсем шăрантарнă май çар тивĕçне пурнăçласа пуçне хунă юлташĕсене аса илсе куççулĕсене пытарайман.