Чăваш эстрада юррисен "Кĕмĕл сасă" фестиваль-конкурсĕ республикăра 15-мĕш çул иртет.

Кăçал унта 37 юрăç хутшăннă. Пирĕн районти çамрăксем те çулсерен хăйсен кĕмĕл сассисемпе савăнтараççĕ. Хăй вăхăтĕнче Вячеслав Захаров, Полина Борисова гран-прие çĕнсе илнĕ.

Кăçал республикăри фестивале Лаш Таяпари информаципе культура центрĕн ертỹçи Зарема Князева хутшăннă. Вăл Г.Мулюкова сăввипе Иван Шурбин кĕвĕленĕ "Тăван ял" юрăпа сцена çине тухнă, дипломант пулса тăнă.