"Комбайн" ял хуçалăх производство кооперативĕн Кивĕ Эйпеçĕнчи сысна фермин коллективне Николай Леонидович Сусметов (сăн ỹкерчĕкре) ертсе пырать. Унăн ĕçĕпе пурте кăмăллă: сысна ферминче тăрăшакансем те, ял хуçалăх предприятийĕн правленийĕ те.

Коллектив палăртнă тĕллевсене ăнăçлăн пурнăçа кĕртет. Кăçалхи 2 уйăхри ĕç кăтартăвĕсене тишкерес пулсан та, савăнса каласа кăтартмалăх пур. Çак тапхăрта пурĕ 300 центнера яхăн, иртнĕ çулхи çак вăхăтрипе танлаштарсан 25 центнер ытларах, аш-какай туса илнĕ, пĕтĕмпе 408 çура илнĕ.