Юлашки çулсенче çамрăксем эрехпе иртĕхесси вăйланса пыни сисĕнет.

 Эрехе халĕ арçынсем кăна мар, хĕрарăмсем те тĕртсе ямаççĕ. Шкул çулĕнчен тухса ĕлкĕреймен арçын ачасем, ар шутне кĕнине палăртас тесе пулĕ, хăйсен çуралнă кунне "хаяр шĕвекпе" хăналасси йăлана кĕнине илтетĕн. Каярахпа унпа туслашасси те инçе мар-çке.

Çине тăрсан алкоголь шĕвекĕ ĕçес килнине чарма пулатех иккен. Акă, "ЗОЖ" хаçатра Донецк облаçĕнче пурăнакан Н.Канаева мĕн çырать: "Каçхине çывăрма выртиччен тăватă сехет маларах, пĕр сехет хушши, кашни 20 минутра шывпа хутăштармасăр ултшар чей кашăкĕ пыл çитертĕм мăшăра. Икĕ сехет иртнĕ хыççăн татах çав виçепех усă курчĕ паха апата. Тепĕр кунне выç çăварла та çак сĕнỹпех усă курчĕ. Виççĕмĕш кунне ирхи апат хыççăн та маларах каланă пекех пыл çирĕ". Çакăнпа сипленес ĕç вĕçленнĕ. Вăрттăнлăхĕ акă мĕнре иккен: пыл калипе пуян, çавăнпа çыннăн эрех ĕçес килнине те пĕтерме пулăшать.