Аслă Елчĕкри хоккей площадкинче кашни кун вăйăсем иртеççĕ.

Хальхинче ял тăрăхĕн пуçлăхĕн В.Афанасьевăн пуçарăвĕпе черетлĕ турнирта районти аслă ушкăнри чи вăйлă командăсем тĕл пулнă. Площадка хуçисем Лаш Таяпа шкулĕн командинчен 5:0, Тĕмер шкулĕнчи хоккеистсенчен 5:2 шутсемпе выляса илнĕ. Турнира чи лайăх хоккеистсем Илья Уркин (Аслă Елчĕк), Николай Алексеев (Тĕмер) пулнине палăртнă.