menu

Яльчикский муниципальный округЧăваш Республикин Елчĕк муниципаллă округĕ

Яльчикский муниципальный округЧăваш Республикин Елчĕк муниципаллă округĕ

  1. Главная
  2. Пресс-центр
  3. Публикации

Çемьере - килĕшỹ, ĕçре - ăнăçу

Присоединенное изображение
Оригинал изображения
 Ял хуçалăхĕнче тата продукцие ĕçлесе хатĕрлекен промышленноçра ĕçлекенсен уявĕ умĕн пĕтĕмлетнĕ 9 уйăхри ĕç кăтартăвĕсем тăрăх "Сатурн" ял хуçалăх производство кооперативĕнчи Алена Семенова республикăри дояркăсем хушшинче чи малта пулнине палăртнă. Çак тапхăрта вăл хăйне çирĕплетсе панă кашни ĕнерен вăтамран 6300! килограмм сĕт сума пултарнă. ...Александр Семенов, хуçалăхри хастар водитель, ялти лайăх хĕре куçран вĕçертмен. Çĕнĕ Пăвара ĕçчен çемьере ỹссе çитĕннĕ (ашшĕ-тракторист, амăшĕ-доярка) Андреевсен 17 çул анчах тултарайнă хĕрĕн кăмăлне хăй майлă çавăратех. Мăшăрĕ пулма ыйтсан, Алена хирĕçлеймен - килĕшнĕ. Саша вара, чăннипех, кил-çурт çынни, çемье хỹтти пулнине кăтартса, çирĕплетсе панă. Пикенсе тăван хуçалăхра ĕçлесе тенкĕ çумне тенкĕ пуçтаракан, çĕнĕ çурт хăпартма ĕмĕтленекен çамрăк мăшăрăн шухăшне амăшĕ - Маргарита Филипповна та хĕпĕртесе йышăннă. Çавна май вăл вĕсене кулленхи пурнăçра май пур таран хавхалантарса пыма тăрăшнă, мăнукĕсене ỹстерме те пулăшнă. Аленăн мăшăрĕ темиçе çул сысна фермин заведующийĕнче тăрăшнă, хăй ветеринар пулнă. Выльăхсене сиплеме Алена Патăрьелĕнчи ПТУра ятарласа вĕреннĕ. Каярахпа дояркăна куçнă, кунти ĕçе те часах хăнăхнă - малтисен ретне тăнă. Хальхинче вара Европа шайĕнчи кăтартăвĕпе республикăна тĕлĕнтерме пултарчĕ. - Ĕçри ăнăçлăх кунта ĕçлекенсенчен нумай килнине чылай тĕслĕхре куратпăр. Ку енĕпе пирĕн коллектива хурламалли çук. Выльăх-чĕрлĕх отраслĕнче нумай çул ĕçлесе пысăк ăсталăх пухнă Петр Купташкин та пире пĕр-пĕрин ỹсĕм-çитĕнĕвĕсене курса килĕштерсе ĕçлеме хавхалантарать. Ĕçтешсем - Ольга Крысова, Луиза Волкова, Светлана Аверьянова, Ирина Кукурузова, Вера Ласточкина, Маргарита Абрамова - пĕр çемьери пек туслă пурăнатпăр,-тет Алена Семенова. Семеновсем хăтлă çурт хăпартнă, иртнĕ çул вĕсем унта пурăнма кĕнĕ. Çын ĕçпе илемлĕ текен ĕлĕкхи ваттисен сăмахĕн пĕлтерĕшĕ паянхи кун та çухалмасть. Ялти ĕçчен çамрăк çемье патшалăхран çурт-йĕр çавăрма ятарласа уйăракан тĕллевлĕ укçа-тенке илме те тивĕçлĕ пулнă. Çакă вĕсене тата тăрăшса ĕçлеме хавхалантарать.  Сăн ỹкерчĕкре: Алена Семенова куç тулли Данил тата Павел ывăлĕсемпе.


"Елчĕк Ен"
17 ноября 2012
00:00
Распечатать
Поделиться

Мы используем файлы cookie для персонализации контента, предоставления функций авторизации и анализа трафика. Пользуясь данным сайтом, пользователь даёт согласие на обработку своих персональных данных, передачу (в т.ч. в сторонние сервисы анализа посетителей Спутник.Аналитика, Яндекс.Метрика) и обработку данных о посетителе (а именно IP-адрес, предполагаемое географическое положение, версия браузера, разрешение дисплея, версия операционной системы и вспомогательного программного обеспечения, модель устройства, ресурсы, поисковые системы, фразы, баннеры, с которых был переход на сайт, список посещённых страниц и проведённое время на сайте), а именно - совершение действий, предусмотренных 152-ФЗ «О персональных данных». Файлы cookie не содержат сведений, на основании которых можно идентифицировать пользователя. Если посетитель не согласен на использование файлов cookie, он может соответствующим образом установить настройки своего браузера, что может отразиться на корректности отображения содержимого сайта, или покинуть сайт.