"Ỹсĕр водитель"

Чăваш Енри патшалăх автоинспекцийĕн ĕçченĕсем водительсем алкоголь шĕвекĕ ĕçнипе ĕçменнине тĕрĕслес тĕллевпе юпа уйăхĕн вĕçĕнче виççĕмĕш хут черетлĕ "Ỹсĕр водитель" ятпа акци йĕркеленĕ. Тĕрĕслевсен вăхăтĕнче ГИБДД сотрудникĕсем эрех ĕçнĕ хыççăн руль умне ларнă 102 водителе тытса чарса тивĕçлĕ айăплав тăратнă. Çакна та палăртса хăвармалла: ỹсĕр водительсен айăпĕпе çĕр-шыври, республикăри çул-йĕрсем çинче çулсерен чылай авари пулать. Сăмах май, юпа уйăхĕн вĕçĕнче "Çĕрпỹ-Ульяновск" автоçул çинче (Патăрьел район территорийĕнче) ỹсĕр водитель (ăна авăн уйăхĕнчи "Ỹсĕр водитель" акци вăхăтĕнче правасăр хăварнă пулнă) йĕркене пăсса хирĕç килекен çул çине тухнă, ВАЗ-21150 автомашинăпа çапăннă. ДТП вăхăтĕнче автомашинăсен водителĕсем, ВАЗ-21150 автомашинăри пассажир пурнăçран уйрăлнă. Салонри кайри ларкăча вырнаçнă икĕ ача ăнăçăва пула анчах сывă юлма пултарнă. Вĕсем тĕп хулари больницăра сипленеççĕ.

Первоисточник: "Елчĕк Ен"

Опубликовано

03 ноября 2012
00:00

Распечатать

"&#7928;с&#277;р водитель"

"Ỹсĕр водитель"