Кĕрхи призыв кампанийĕ пуçланнăранпа пĕр уйăх иртсе те кайрĕ. Чăваш Республикин çар комиссариачĕн Комсомольски тата Елчĕк районĕсен уйрăмĕнчен пĕлтернĕ тăрăх, çак тапхăрта çар ретне Елчĕкрен - 20, Комсомольски районĕнчен 25 çамрăк (республикипе 1000 каччă) тăрĕ. Ку кампани Çĕнĕ çулчченех пырать. Планпа килĕшỹллĕн, хальхи призывниксен 20 проценчĕ аслă пĕлỹллĕ пулмалла, 30 проценчĕ çĕр-шыв умĕнчи тивĕçе режим чаçĕнче пурнăçламалла. Ытти çулхи пекех Президент полкне кăçал Чăваш Енри 15 каччăна ăсатма палăртнă. Кăçалтан хĕсметре тăракансен пурнăçĕнче улшăнусем пулĕç. Салтаксем малтанхи пек 6 сехетре мар, 7-ре тăрĕç. Физкультура валли кунне икĕ сехет уйăрĕç. Кашни салтака банк карточки парĕç, унта уйăхне 2000 тенкĕрен кая мар укçа куçарса пама палăртаççĕ. .