Ертỹçĕ кăна мар, вĕрентекен те

Республикăра влаçăн ĕç тăвакан тата ытти органĕсенче çамрăксем ытларах та ытларах курăнма пуçларĕç. Республика Пуçлăхĕ Михаил Игнатьев çамрăксене шаннине, Чăваш Ен пуласлăхĕ çамрăксенче пулнине пĕлтерет çакă. Вĕсенчен пĕри - Елчĕкре çуралса ỹснĕ Наталия Николаевна Виноградова. Михаил Игнатьев Указĕпе ăна Чăваш Республикин ял хуçалăх министрĕн çумĕ пулма икĕ çул каялла çирĕплетнĕ. Лаша пуласси тихаран паллă теççĕ. Кỹршĕллĕ пурăннă май, ача чухнех Наташăн вĕренес ăнтăлăвĕ пысăк пулнинчен питĕ тĕлĕнеттĕм. Вăл сехечĕ-сехечĕпе кĕнеке тытса ларма пултаратчĕ. Ăна тем тĕрлĕ ыйту та кăсăклантаратчĕ. Вĕренĕве спортпа çыхăнтаратчĕ. Ашшĕ ертсе пыракан ачасемпе çамрăксен спорт шкулĕн çăмăл атлетика уйрăмне çỹретчĕ. Ку енĕпе те унăн çитĕнỹсем лайăхчĕ. Тăрăшуллă хĕр ача вăтам шкула пур предметпа та "5" паллăпа пĕтерни ашшĕ-амăшне те савăнтарчĕ. 1997 çулта Наташа Чăваш ял хуçалăх академийĕн экономика факультетне вĕренме кĕчĕ. Тепĕр 5 çултан ăна та хĕрлĕ дипломпа пĕтерчĕ. Пултаруллă çамрăк наука ĕçĕнче пысăк шанăç панăран ăна ял хуçалăх академийĕнче хăварнă, студентсемпе практика занятийĕсем ирттерме шаннă. "Ял хуçалăх производствине йĕркелесси" кафедрăн ассистенчĕ "Коммерци ĕçĕ-хĕлĕ", "Предприниматель ĕçĕ-хĕлĕ", "Аграри производствине йĕркелесси" предметсене ертсе пынă. Тепĕр икĕ çултан Наталия Николаевна Мускаври К.А.Тимирязев ячĕллĕ Раççей патшалăх аграри университечĕн аспирантурине куçăмлă вĕренме кĕнĕ. Çав вăхăтрах университетăн планпа экономика управленийĕнче ĕçпе ĕç укçи пайĕнче ертсе пыракан специалист пулса ĕçлет. 2007 çулта Чăваш Республикин кăтартăвĕсем тăрăх экономика наукисен кандидачĕн диссертацине ăнăçлă хỹтĕленĕ. Çав çулах Раççей Федерацийĕн Ял хуçалăх министерствинче ертсе пыракан специалист-эксперт пулса ĕçлеме тытăннă. Кĕске вăхăтрах служба картлашкипе ỹссе пынă, ăна патшалăх граждан службин советникĕн класлă чинне панă, РФ Ял хуçалăх министерствин Хисеп грамотипе наградăланă. Ял хуçалăх министерствинче ĕçленĕ вăхăтрах Мускаври В.П.Горячкин ячĕллĕ патшалăх агроинженери университечĕн кафедринче доцент пулса ĕçленĕ, Экономикăн Аслă шкулĕнче тата РФ Правительстви çумĕнчи финанс академийĕнче квалификацие ỹстернĕ. 2010 çул вĕçĕнче Елчĕк хĕрне Чăваш Республикин ял хуçалăх министрĕн çумне уйăрса лартнă, тепĕр икĕ çултан Чăваш Республикин патшалăхăн 3-мĕш класлă советникĕн ятне панă. Наталия Николаевна министр çумĕ пулса ĕçленĕ вăхăтрах Чăваш ял хуçалăх академийĕн экономика кафедринче доцент пулса студентсене пĕлỹ парать. Çапла майпа производствăна наукăпа, студентсене вĕрентес ĕçпе çыхăнтарса пырать.

Первоисточник: "Елчĕк Ен"

Опубликовано

20 октября 2012
00:00

Распечатать

Ерт&#7929;&#231;&#277; к&#259;на мар, в&#277;рентекен те

Ертỹçĕ кăна мар, вĕрентекен те