Çухатрăр пулсан...

Çурални çинчен каланă свидетельствăна çухатрăм. Ăна тепре параççĕ-ши? (Редакцие килнĕ çыруран). Çырăва ЗАГС пайĕн начальникĕ В.Спиридонова хуравлать: Енчен те гражданин çурални çинчен свидетельствăна çухатсан унăн пĕрремĕш экземплярĕ упранакан ЗАГС пайĕ документа иккĕмĕш хут çырса пама пултарать. Ăна тивĕçекенсем: - граждан лару-тăрăвĕ пирки çырнă акт пырса тивекен çын; - вилнĕ çыннăн тăванĕ е хăйшĕн тăрăшакан тепĕр гражданин, енчен те çỹлерех асăннă актра палăртни пурнăçран уйрăлнă тăк тата свидетельство илмелли ирĕке çирĕплетекен документ пулсан; - çурални çинчен çырнă актра палăртнă гражданин свидетельствăна иккĕмĕш хут илмелли кун тĕлне çул çитмен çамрăк шутлансан - ашшĕ-амăшĕ е вĕсен вырăнне юлнă çын, опекăпа попечительлĕх органĕн представителĕ; - граждан лару-тăрăвăн патшалăх регистрацийĕ çинчен свидетельствăна иккĕмĕш хут тивĕçме ирĕк пур çын ăна илмешкĕн нотариуса çирĕплеттернĕ шанăç хучĕ пулсан - тепĕр гражданин. Свидетельствăна ыйтнă кунах параççĕ. Енчен те гражданин ăна тивĕçес тĕллевпе ЗАГС пайне çыру ярать тĕк документа вăл кăтартнă адреспа çитеретпĕр. Паллах, пулăшу тỹлевлĕ - Перекет банкĕ урлă 200 тенкĕ куçарма тивет.

Первоисточник: "Елчĕк Ен"

Опубликовано

08 сентября 2012
00:00

Распечатать

&#199;ухатр&#259;р пулсан...

Çухатрăр пулсан...