Йĕркеллĕ çитĕнме - тивĕçлĕ услови

Чăваш Республикин Пуçлăхĕ М.Игнатьев Патшалăх Канашне янă "Пĕтĕмпех çын валли тата çыншăн" Çырăвĕнчи йĕркесем кашни ашшĕ-амăшнех тарăн шухăша яма тивĕç: "Паян ачасене телевизор экранĕнчен, вĕçсĕр-хĕрсĕр Интернетран йăтăнса тухакан япăх витĕмрен хỹтĕлеме питех те йывăр. Çавăнпа та наци пуласлăхĕн ăс-хакăл сывлăхне упраса хăварас тесен пирĕн, ашшĕ-амăшĕн, яваплăха ỹстермелле". Çемье - пурнăçа хаклама вĕрентекен хăйне евĕрлĕ тĕнче. Ачана лайăххипе начарринчен, ырă кăмăллине усаллинчен, ăш пиллĕхе килпетсĕрлĕхрен уйăрма вĕрентесси - ашшĕ-амăшĕн тивĕçĕ. Пурнăçра чи кирли - кĕçĕннине çамрăкранах ĕçе, яваплăха туйма вĕрентни, тĕрлĕ киревсĕр информацирен упрани. Обществăра пурăннă май çыннăн унăн нормисене пăхăнмаллине те çирĕп пĕлмелле. Çакăн пирки ачасемпе тăтăшах калаçу пуçармалла. Пĕр-пĕрне хисеплекен, шанакан, юратакан, ĕçчен çемьере анчах ача йĕркеллĕ ỹссе çитĕннине ашшĕ-амăшĕн асрах тытмалла. Статистика палăртнă тăрăх, йĕркесĕр çемьесенче ỹснĕ ывăл-хĕр хăйне ыттисенчен катăкрах туять, усал та хаяр пулать. Преступлени çулĕ çине тăнисенчен ытларах пайĕ çакăн евĕр çемьесенче çитĕнни паллă. ШĔМĕн муниципалитетсем хушшинчи "Комсомольский" уйрăмĕн Елчĕк районĕнчи полици пайĕн çул çитмен ачасемпе ĕçлекен подразделенийĕнче паянхи кун 19 çамрăк учетра тăрать. Çавăн пекех ачисене тивĕçлĕ воспитани парассинчен пăрăнакан 18 ашшĕ-амăшне шута илнĕ. Çитĕнекен ăру - пирĕн малашлăх. Çакна тĕпе хурса ачасене тĕрĕс-тĕкел çитĕнме условисем туса памаллине, тимлĕх уйăрмаллине манас марччĕ.

Первоисточник: "Елчĕк Ен"

Опубликовано

16 июня 2012
00:00

Распечатать

Й&#277;ркелл&#277; &#231;ит&#277;нме - тив&#277;&#231;л&#277; услови

Йĕркеллĕ çитĕнме - тивĕçлĕ услови