Патшалăх пулăшăвĕ меллĕ, ансат

Чăваш Енре республикăн пĕрлехи анлăшне йĕркелес тата ăна тĕнчен пĕрлехи информацийĕпе çыхăнтарас тĕлĕшпе чылай ĕç пурнăçлаççĕ. Çакă влаç органĕсен ĕç-хĕлне аталантарма, халăха Интернетпа çыхăнса ĕçе вырăнтах йĕркелеме май парать. Халăх пурнăçĕн пахалăхне ỹстерес, обществăн тĕрлĕ сферисене аталантарас тĕллевпе йышăннă "Электрон правительстви" проект ку ĕçре пысăк пулăшупа тивĕçтерет. Проекта республика хастар хутшăнать. Информаципе коммуникаци технологийĕсене аталантарас енĕпе вăл Раççейре малти вырăнсенчен пĕрне йышăнать. Пирĕн республикăра 2006 çултанпа электрон цифра меслечĕпе алă пуснине ĕнентерекен корпоратив центрĕ ĕçлет. Хальхи вăхăтра вăл патшалăх влаçĕн тата вырăнти хăй тытăмлăхăн 1000 яхăн органĕн, çавăн пекех бюджет организацийĕсен ыйтăвĕсене тивĕçтерет. Çак çĕнĕлĕхсем патшалăх влаç органĕсен тата муниципалитет пĕрлĕхĕсен докуменчĕсен шалти çаврăнăшне йĕркелеме май панисĕр пуçне, республикăра пурăнакансене Раççей тата Чăваш Ен патшалăх влаçĕсен органĕсемпе çыхăнма, интерактив сервисĕллĕ пулăшу тĕсĕсемпе усă курма пулăшаççĕ. Сăмахран, граждансем "Электрон регистратури" урлă иртнĕ çул анчах 200 пин хут ытла тухтăрсем патне йышăнăва çырăннă. Çынсем çавăн пекех налук тата ытти органсенче, суд приставĕсен службинче парăм пуррипе çуккине тĕрĕслеме, ытти тĕрлĕ пулăшусемпе усă курма пултараççĕ. Вăхăт иртнĕ май çак пулăшусен тĕсĕ ỹссех пырĕ.

Первоисточник: "Елчĕк Ен"

Опубликовано

28 марта 2012
00:00

Распечатать

Патшал&#259;х пул&#259;ш&#259;в&#277; мелл&#277;, ансат

Патшалăх пулăшăвĕ меллĕ, ансат