Çитĕнỹ çăл куçĕ

Çĕнĕ технологисемпе анлăн усă куракан ял хуçалăх предприятийĕсенче ĕç тухăçлăхĕ те , кăтартусем те пысăк. Выльăх-чĕрлĕх фермисене тĕнче шайĕнчи стандартсемпе усă курса реконструкци тунă акционерсен "Прогресс" хупă обществин тата "Победа" ООО тĕслĕхĕпе усă курса кăçал эпир те пысăк ĕçсем туса ирттертĕмĕр. Мăйракаллă шултра выльăхсен витине тĕпрен реконструкци тума май килчĕ. Унччен 160 пуç ĕне выльăхпах тулнă витене халĕ 280 пуç мăйракаллă шултăра выльăх вырнаçать. Малтанхипе танлаштарсан, вĕсене халĕ меллĕрех те вынаçтарнă _ пăрусем миçе уйăхра пулнине кура, уйрăм бокссенче выртаççĕ. Урайне резина мат сарнă. Çапла майпа выльăх-чĕрлĕх пăхакансен ĕçĕ те халĕ чылай çăмăлрах. Витене юсанă хыççăн ĕçе çĕнĕлле йĕркелесе янăранпа ĕç тухăçлăхĕ, кăтартусем ỹсни те куç умĕнче. Хĕл тапхăрне кĕнĕренпе мăйракаллă шултра выльăхсем пĕр талăкра 800 грамм ытла, самăртакан ушкăнрисем тата ытларах _ 1000-1100 грамран кая мар ỹт хушаççĕ. Ĕне выльăхсен ỹсĕмне кура, паллах, вĕсен кулленхи рационне кирлĕ пек йĕркелесе пыни те продукци туса илесси çине пысăк витĕм кỹрет. Пăрусене пăхассинчи яваплă ĕçе вара Антонина Немцевăпа Мария Ермолаевăна тата Эмма Саврасовăна шанса панă. Хăйсен шанăçне тивĕçлипе тỹрре кăларма пултарнине вĕсен кулленхи кăтартăвĕсем те яр уççăн çирĕплетсе параççĕ. Надежда Красовăпа Елена Маркова, Светлана Волковăпа Ирина Васильева дояркăсен кăмăлĕ те хавхалануллă. Мĕншĕн тесен малашне ĕнесем ушкăнпа пăрулама тытăнаççĕ, çавна май сăвăм та ỹсмелле. Палăртнă тĕллевсене пурнăçлама пур майсем те çителĕклĕ. Чи кирли _ рациона выльăхсен виçине пăхăнса тĕрĕс йĕркелени тесе шутлатпăр. Çапла майпа ăна çирĕп пăхăнса пурнăçласа пыма тăрăшатпăр. Сăвăнакан ĕнесене хĕллехи тапхăрта куллен, утă-улăмсăр пуçне, 35 килограмран кая мар сенаж, 6 килограмм çăнăх, 20 килограмм жом, 5 килограмм дробина, 1 килограмм патока тивĕçет. Хальхи вăхăтра ял хуçалăх предприятийĕнче 389 пуç мăйракаллă шултăра выльăх, çав шутран сăвăнакан 130 ĕне шутланать. Ытти витесене те реконструкци тума май килсен ĕне выльăхсен хисепне тата ỹстерме пулĕ. Малашне çакăн пирки шутлатпăр.

Первоисточник: "Елчĕк Ен"

Опубликовано

21 декабря 2011
00:00

Распечатать

&#199;ит&#277;н&#7929; &#231;&#259;л ку&#231;&#277;

Çитĕнỹ çăл куçĕ