Раççейре - ял хуçалăх çыравĕ

Раççей Федерацийĕн Правительствин 2011 çулхи çĕртме уйăхĕнче çирĕплетнĕ хушăвĕнче 2014 çулта çĕр-шывра ял хуçалăх çыравĕ ирттересси çинчен пĕлтернĕ. Çыравăн тĕп тĕллевĕ - аграри секторне инвентаризацилесси. Çапла майпа çырав аграри секторĕнчи лару-тăру пирки тĕрĕс, тулли информаци пухма, çак никĕс çинче ял хуçалăх производствин ĕç тухăçлăхне ỹстермелли майсене палăртма май парĕ. Яваплă ĕçе йĕркелеме хатĕрленсе 2012 çулта сăнавлă çырав ирттерме палăртнă. Яваплăх - Росстат çинче, мероприятисене ирттерме каякан укçа-тенкĕпе Раççейри Финанс тата Экономика аталанăвĕн министерствисем тивĕçтереççĕ. Аса илтеретпĕр, ял хуçалăх çыравĕ юлашкинчен 2006 çулта иртнĕ. Унăн кăтартăвĕсем тăрăх Раççейри 2, 3 миллион çын пысăк тата вăтам ял хуçалăх предприятийĕсенче, 232 пин çын пĕчĕк предприятисенче (Чăваш Республикинче 32,5 пин тата 5,2 пин çын) ĕçленĕ.

Первоисточник: "Елчĕк Ен"

Опубликовано

13 августа 2011
00:00

Распечатать

Ра&#231;&#231;ейре - ял ху&#231;ал&#259;х &#231;ырав&#277;

Раççейре - ял хуçалăх çыравĕ