Европа чемпионĕн призĕсемшĕн

Патăрьел районĕнчи Туçа ялĕнче тĕнче класлă спорт мастерĕн, Европа чемпионĕн, Тĕнче кубокĕн призерĕн, рекордсен Гиннесс кĕнекине кĕнĕ Б.Глинкинăн призĕсене çĕнсе илессишĕн кире пуканĕ йăтакансен республикăри турнирĕ иртнĕ. Турнира Мордва, Тутарстан, Чăваш республикисенчи атлетсем хутшăннă. Елчĕк районĕн команди, ачасемпе çамрăксен спорт шкулĕн тренер преподавателĕ О.Федоров ертсе пынипе, турнирта пысăк çитĕнỹ тунă - 1-мĕш вырăн йышăннă. Хĕрсем абсолютлă виçере ăмăртса, 16 кг кире пуканне 5 минут сулахай тата сылтăм алăсемпе сулласа йăтнă. Е.Козлова (Кĕçĕн Таяпа) 132 очко пухса 1-мĕш, Е.Еремеева (Питтĕпел) 3-мĕш вырăнсене йышăннă. 60 çултан аслăрах ветерансенчен А.Анисимов (Ĕнел) 4-мĕш вырăна юлнă. 18 çула çитичченхи каччăсем 24 кг икĕ кире пуканне 5 минут кăкăр çинчен тĕртнĕ. Хăйсен виçисенче Н.Николаев, О.Николаев (Ĕнел), А.Павлов (Кавал) 1-мĕш, И.Федоров (Кавал) 2-мĕш, И.Кривов (Анатри Тимеш) 3-мĕш вырăнсене тухнă. В.Семенов (Кĕçĕн Таяпа), Д.Курчин (Курнавăш) та ăнăçлă ăмăртнă.

Первоисточник: "Елчĕк Ен"

Опубликовано

13 июля 2011
00:00

Распечатать

Европа чемпион&#277;н приз&#277;семш&#277;н

Европа чемпионĕн призĕсемшĕн