menu

Яльчикский муниципальный округЧăваш Республикин Елчĕк муниципаллă округĕ

Яльчикский муниципальный округЧăваш Республикин Елчĕк муниципаллă округĕ

  1. Главная
  2. Пресс-центр
  3. Публикации

Аякри тăвансем патĕнче

Чăваш халăхĕ хăйĕн йышĕпе Тутарстанра чи йышлă пурăнакансенчен пĕри шутланать. Ентешсем Нурлат, Аксу, Пăва, Çĕпрел, Теччĕ, Элкел районĕсенче, Анат Кама, Чаллă, Хусан хулисенче уйрăмах нумай. Тутарстан чăвашĕсем Уяв, Учук, Акатуй, Раштав, Сурхури тата тăван халăх йăли-йĕркипе çыхăннă ытти праçниксене тулли кăмăлпа йĕркелесе ирттереççĕ. Кỹршĕ республикăн Нурлат районне, чăваш культурин Пĕтĕм Раççейри "Уяв-2011" праçникне халăх питĕ нумай пуçтарăннă. Çак мероприятие 1993 çулта йĕркелесе янă. Каярах ăна чăвашсем йышлă пурăнакан тăрăхра ирттернĕ. Пилĕк çул каялла вара ăна Нурлат яланлăхах хăй çунатти айне илнĕ. Чи малтанхи çулсенче халăх унта нумай пулман иккен, кăçал вара сакăр пин ытла çын савăннине палăртрĕç. Эпир те "Уявра" савăнтăмăр. Çĕр-шывăн тĕрлĕ кĕтесĕнчи чăвашсене курма пит хавас пулчĕ. Уява кашни çулах çур аки вĕçленсен, утă çине тухиччен, тыр-пул пухса кĕртме тытăниччен ирттереççĕ. Чăваш халăх юррисене карталанса юрлани, ал ĕç ăстисен пултарулăхне курса савăнни нихăçан та асран тухас çук. Уява Чăваш Ен Президенчĕ М.Игнатьев хутшăнни тата пысăк чыс пулчĕ. Эпир Вăтам Хăмăшлă ялĕнче пурăнакан йăхташăмăрсене хамăр пултарулăхпа савăнтартăмăр. Инçетри чăвашсем пирĕн ансамблĕн юрри-ташшипе, такмакĕпе киленсе пăхса ларнине ăшшăн пĕлтерчĕç. Савăк юрă-кĕвĕ сĕм çĕрлеччен янăрарĕ. Çапах та уйрăлма шутламарăмăр, пурте пĕрле чăваш халăх юррисене шăрантартăмăр. Район администрацийĕн культурăпа архив секторĕн заведующийĕ А.Александрова ертсе пынипе ял çыннисемпе те паллашрăмăр. Çĕр çаврака тени тĕрĕсех иккен. Кунта çакна пĕлтĕмĕр: Вăтам Хăмăшлă хĕрĕ Елчĕк ачине качча тухнă. З.Трифонова тăванĕсем пире чаплă хăнасем пек кĕтсе илчĕç. Калас пулать, Яманчỹрел хĕрĕ вара кунти йĕкĕтпе çемье çавăрнă. Çĕр-шывăн кирек хăш енне кайсан та ентешсене тĕл пулни чĕрере ăшăлăх çуратать. Çулĕ çывăх пулмарĕ пулин те Пĕтĕм Раççей шайĕнче иртекен праçникрен тулли кăмăлпа таврăнтăмăр. Кунта ентеш юрăçсене те тĕл пултăмăр. Вĕсем те уява илем кĕртнĕшĕн хĕпĕртерĕмĕр.



"Елчĕк Ен"
13 июля 2011
00:00
Распечатать
Поделиться

Мы используем файлы cookie для персонализации контента, предоставления функций авторизации и анализа трафика. Пользуясь данным сайтом, пользователь даёт согласие на обработку своих персональных данных, передачу (в т.ч. в сторонние сервисы анализа посетителей Спутник.Аналитика, Яндекс.Метрика) и обработку данных о посетителе (а именно IP-адрес, предполагаемое географическое положение, версия браузера, разрешение дисплея, версия операционной системы и вспомогательного программного обеспечения, модель устройства, ресурсы, поисковые системы, фразы, баннеры, с которых был переход на сайт, список посещённых страниц и проведённое время на сайте), а именно - совершение действий, предусмотренных 152-ФЗ «О персональных данных». Файлы cookie не содержат сведений, на основании которых можно идентифицировать пользователя. Если посетитель не согласен на использование файлов cookie, он может соответствующим образом установить настройки своего браузера, что может отразиться на корректности отображения содержимого сайта, или покинуть сайт.