Комсомольски районĕнчи "Слава картофелю" агрофирма" ООО çĕр улми туса илессипе Раççейри чи лайăх 10 предприяти шутне кĕнĕ. Çавна май кунта ĕç опычĕпе тĕплĕнрех паллаштарас тĕллевпе çулсерен семинар-канашлусем йĕркелесе ирттересси йăлана кĕнĕ. Иртнĕ шăмат кун кунта Раççей шайĕнчи семинар - çĕр улми уйĕн кунĕ пулса иртнĕ. Чăваш Республикинчи ял хуçалăх предприятийĕсемпе фермер (хресчен) хуçалăхĕсенче ĕçлекенсемпе пĕрле çĕр улми çитĕнтерекенсем тата 15 регионран килсе çитнĕ. Çĕр улми уйĕн кунне Чăваш Республикин ял хуçалăх министрĕ С.Павлов хутшăннă. Семинара хутшăннисене "Слава картофелю" агрофирма" ОООн директорсен канашĕн председателĕ А.Капитонов саламланă. Ỹсен-тăран отраслĕнче тĕнчери технологисемпе усă курса ĕçлесе пыракан "Слава картофелю" агрофирма" ОООн ушкăнне кĕрекен тепĕр предприяти - пирĕн районти "Слава картофелю - Яльчики" ООО. Çавна май Раççей шайĕнчи семинара - çĕр улми уйĕн кунне хутшăннисем кунта та çитсе курнă. Вĕсене район администрацийĕн пуçлăхĕ Н.Миллин, ял тăрăхĕсен пуçлăхĕсем, ял хуçалăх предприятийĕсемпе хресчен (фермер) хуçалăхĕсен ертỹçисемпе специалисчĕсем кĕтсе илнĕ. "Слава картофелю - Яльчики" ООО "Мир" хуçалăхра сухаланмасăр выртнă çĕрсене ĕçе кĕртессипе виçĕ çул хушшинче нумай ĕç туса ирттернĕ. Çĕнĕ технологисемпе усă курса ĕçлесе хатĕрленĕ 106 гектар лаптăкран малтанхи çулхинех тухăçлă çĕр улми çитĕнтерсе алла илнĕ. Хальхи вăхăтра кунта 270 гектар çинче пурĕ 7 тĕрлĕ - Импала, Романце, Удача, Романо, Галла, Латока, Ред Скарлет сортлă çĕр улми çитĕнет. Удача тата Ред Скарлет - элита, ыттисем - 1-мĕш тата 2-мĕш репродукцисенчи вăрлăхсем пулнине шута илсен, вĕсем япăх мар тухăç памалла. Пĕтĕм лаптăкри вăрлăха акиччен малтан лайăх яровизациленĕ, тĕрлĕ чир-чĕртен, хурт-кăпшанкăсемпе çум курăкран сыхласа им-çампа варăнтарнă. Ç ĕр улми туса илессинче тĕнчери çĕнĕ технологисемпе усă курса ĕçленине пула сахал яваплă юлташлăхра иртнĕ çулхи шăрăх çанталăк условийĕнче те "иккĕмĕш çăкăр" япăх мар тухăç панă. Çак кăтартусен вăрттăнлăхне тĕпчесе пĕлтĕмĕр. Ку чухне кунта 4 уйлă пусă çаврăнăшĕпе усă кураççĕ, ăна çакăн пек йĕркелеççĕ. Çĕр улми лартма уйăракан лаптăкра 1-мĕш çулхине çурхи культурăсем, 2-мĕш çулхине - рапс тата горчица акаççĕ. Рапспа горчица акни çĕре микро тата макроэлементсемпе пуянлатма май парать, вăл - симĕс удобрени те. 3-мĕш çулхине - кĕрхи тулă акса хăвараççĕ, вăл тăпрана тĕрлĕ чир-чĕртен, çум курăкран хỹтĕлеме пулăшать. Çакăн пек лаптăксенче çитĕннĕ урпа, кĕрхи тулă 50-55 центнертан кая мар, çĕр улми 300 центнера яхăн тухăç памалла. Çĕр улми туса илессипе ятарласа ĕçлекен "Слава картофелю" агрофирма" ОООн тĕп тĕллевĕ - тухăçлă, таса, чир-чĕрсĕр, вăрлăхлăх тата апат-çимĕçлĕх çĕр тулми туса илесси. Çĕр улми туса илессипе ятарласа ĕçлекен ял хуçалăх предприятине палăртнă тĕллеве пурнăçлассинче малашне çанталăк условийĕсем те хăратаймĕç. Иртнĕ çулхи пек уяр пулас пулсан шыв шăваракан ятарлă установкăсемпе усă курма пултарĕç. Вĕсене хальлĕхе икĕ уйра вырнаçтарнă. Лаптăксене кăçал та икĕ хутчен шăварнă. Иртнĕ ырă вăхăтсенчи мелиораци системи Чăваш Республикинче çĕнĕрен ĕçе кĕрет. Чăваш Республикин ял хуçалăх министрĕ С.Павлов палăртнă тăрăх малашне мелиораци техники туяннин тăкакĕн 30 процентне патшалăхран саплаштарма палăртнă. "Слава картофелю - Яльчики" ОООра пĕр вăхăтрах пĕрчĕллĕ тата пăрçа йышши культурăсене те туса илеççĕ. Кăçал вĕсен лаптăкĕ 750 гектар йышăнать. Ку чухне те элита вăрлăхсемпе нумай усă курнă.
Мы используем файлы cookie для персонализации контента, предоставления функций авторизации и анализа
трафика.
Пользуясь данным сайтом, пользователь даёт согласие на обработку своих персональных данных, передачу (в т.ч.
в сторонние сервисы анализа посетителей Спутник.Аналитика, Яндекс.Метрика) и обработку данных о посетителе
(а именно IP-адрес, предполагаемое географическое положение, версия браузера, разрешение дисплея, версия
операционной системы и вспомогательного программного обеспечения, модель устройства, ресурсы, поисковые
системы, фразы, баннеры, с которых был переход на сайт, список посещённых страниц и проведённое время на
сайте), а именно - совершение действий, предусмотренных 152-ФЗ «О персональных данных». Файлы cookie не
содержат сведений, на основании которых можно идентифицировать пользователя. Если посетитель не согласен на
использование файлов cookie, он может соответствующим образом установить настройки своего браузера, что
может отразиться на корректности отображения содержимого сайта, или покинуть сайт.
