Çĕнĕ Пăвари пĕтĕмĕшле практика врачĕн офисĕнче донор кунĕ иртнĕ. Яла Канашри юн илекен станцинчен ятарлă бригада килнĕ. Курнавăш ял тăрăхĕнче пурăнакансем, районти тĕп больницăра, аптекăра ĕçлекенсем, Тăрăм ялĕн çыннисем сăваплă ĕçе кăмăлтан хутшăннă. Çак кун 130 çын 52 литр юн панă. Ытти чухнехи пекех хальхинче те О.Никитина, Г.Корнилов, Н.Смирнова, Н.Титова активлă донорсем пулнă. Пĕрремĕш хут юн паракансем - И.Зайцева, В.Грибов, Л.Курчина, Г.Курчина. Çĕнĕ Пăвари шурă халатлă ĕçченсем донорсен йышĕ ỹссе пынипе кăмăллă. Вĕсем донорсене тав тунă.