Çак чиртен аякра тăрар

Нарăс уйăхĕн 15-мĕшĕнчен пуçласа пуш уйăхĕн 15-мĕшĕччен районта "Милици тата ачасем" акци иртет. Çавна май шкулсенче пулса наркомани темине те çивĕч çĕклетпĕр. Хаçат урлă вулакансене те наркоманăн хăш-пĕр паллисемпе паллаштарасшăн. Çын наркотикпе усă курнине кăтартакан паллăсенчен куçа тỹрех курăнаканнисем - укол йĕрĕсем, куç айĕнчи кăвакарнă йĕрсем, ỹт çинчи кăвакарнă, кастарнă вырăнсем, кĕсьере чиксе çỹрекен пĕтĕрнĕ хут татăкĕсемпе укçа, çунса хăрăмланнă кашăк, тимĕр савăт, сигарет курупкинчи пирус. Паллăсен тепĕр ушкăнне ỹте кăвакрах е хĕрлĕрех тĕс çапни, куç шăрçисем сарăлни е пĕрĕнни, куç хĕрелни, чĕлхе çыхланни, виçесĕр нумай калаçни, аппетит çухални е питĕ нумай çини, вĕçĕмсĕр ỹсĕрни, тайкаланса утни, юн пусăмĕ ỹсни, вар-хырăм ĕçĕ пăсăлни кĕреççĕ. Наркотик сĕрĕмĕн паллисен шутĕнче çаксем те: çын пĕччен пулма тăрăшни, çынсенчен пăрăнни, малтан кăсăклантарнă ĕçсенчен тарни, ăн çухални, тимлĕх çукки, килтен сăлтавсăрах туха-туха кайни, кăмăл-туйăм улшăнни, хăвăрт ывăнни, час-часах укçа ыйтни, хаклă япаласем çухални тата ытти те. Çывăх çынсене сăнасах тăмалла. Енчен те иккĕленỹ çирĕпленсен нарколог тухтăртан пулăшу ыйтма васкăр.

Первоисточник: "Елчĕк Ен"

Опубликовано

25 февраля 2011
00:00

Распечатать

&#199;ак чиртен аякра т&#259;рар

Çак чиртен аякра тăрар