Центрта кĕтеççĕ

Кĕркуннехи-хĕллехи тапхăрта ачасен сывлăхĕ çине уйрăмах пысăк тимлĕх уйăрма тивет. Республикăра ĕçлекен сывлăх центрĕсенче ачасене малта пыракан диагностика технологийĕсемпе тата паянхи медицина оборудованийĕсемпе тĕплĕн тĕрĕслесе чир-чĕре маларах тупса палăртаççĕ. Квалификациллĕ специалистсем сирĕн ачăрăн сывлăхне физкультурăпа çирĕплетме, пурнăç йĕркине улăштарма, тĕрĕс апатланма пулăшаççĕ. Центрсем уçăлнăранпа 3 пин ытла ача тĕплĕ тĕрĕслев витĕр тухнă. Кунта ачасен сывлăхне мĕн пур енчен тĕрĕслеççĕ. Ун хыççăн ача сывлăхне кура педиатр кашнийĕн валли уйрăм план хатĕрлет. Кирлех пулсан ытти специалист-врач патне те тĕрĕсленме ярать. Пациента аллине "Сывă пурнăç йĕркин карти" парать. Унпа вăл тепĕр çултан каллех тĕрĕсленме килет. Тĕрĕслевсене тỹлевсĕр тăваççĕ. Сывлăх центрĕсенче Раççейри кирек хăш ача та тĕрĕсленме пултарать. Хăйĕнпе пĕрле паспорт е çуралнине çирĕплетекен свидетельство тата обязательнăй медицина страхованийĕн полисĕ пулмалла. Центра килес текенсен ыйтăвĕсене тивĕçтерес тĕллевпе электронлă регистратура (www.med.cap.ruỸMedReqistry) тата ыйтса пĕлмелли пай йĕркеленĕ. Республикăри сывлăх центрĕн адресĕ: Шупашкар хули, Осипов урамĕ, 5-мĕш çурт. Черете çырăнмалли телефон: 55-18-53. Хулари 3-мĕш номерлĕ ача-пăча больницин сывлăх центрĕн адресĕ: Шупашкар хули, Трактор тăвакансен проспекчĕ, 12-мĕш çурт. Ыйтса пĕлмелли телефон: 64-88-16. Электронлă регистратурăра çырăнма та пулать: http,Ỹwww.med.cap.ruỸMedRegictryỸschedultr.aspv.dist/1030.

Первоисточник: "Елчĕк Ен"

Опубликовано

27 ноября 2010
00:00

Распечатать

Центрта к&#277;те&#231;&#231;&#277;

Центрта кĕтеççĕ