Елчĕксене чыс кỹрет

Вĕренекенсем хушшинче массăллă физкультурăпа спорта аталантарас тата вĕсене физкультурниксен йышне явăçтарас тĕллевпе Çĕрпỹри "Асамат" физкультурăпа спорт комплексĕнче физкультурăпа спорт фестивалĕ "ДРОЗД-2010" иртнĕ. Ăна Чăваш Республикин Физкультурăпа спорт тата туризм, Вĕрентỹ тата çамрăксен политикин министерствисем, Чăваш Енĕн социаллă тата культура программисене пурнăçа кĕртекен фонд йĕркеленĕ. Ăмăртусене 14 районти 26 команда хутшăннă. Ачасем вырăс чĕлхине мĕнле пĕлнине кăтартса панă. Çавăн пекех фестивальте çамрăксем çăмăл атлетикăра, стрит-баскетра, шывра ишессипе эстафетăра пултарулăхне кăтартнă. Фестиваль хĕрỹ тупăшура иртнĕ. Çĕнĕ Шупашкарти 14-мĕш вăтам шкул команди çĕнтерỹçĕ ята тивĕçнĕ. Иккĕмĕш вырăнта - Çĕмĕрлери 8-мĕш гимнази. Виççĕмĕшĕнче Çĕнĕ Шупашкарти 2-мĕш ДЮСШ. Елчĕк районĕн чысне Елчĕкри вăтам шкулта вĕренекенсем хỹтĕленĕ. Вĕсем вырăс чĕлхипе ирттернĕ конкурсра 3-мĕш, хĕр ачасем шывра ишессипе 1-мĕш вырăнсене тухнă. 26 командăран 6-мĕш вырăна тухни Елчĕксене чыс кỹрет.

Первоисточник: "Елчĕк Ен"

Опубликовано

17 ноября 2010
00:00

Распечатать

Елч&#277;ксене чыс к&#7929;рет

Елчĕксене чыс кỹрет