menu

Яльчикский муниципальный округЧăваш Республикин Елчĕк муниципаллă округĕ

Яльчикский муниципальный округЧăваш Республикин Елчĕк муниципаллă округĕ

  1. Главная
  2. Пресс-центр
  3. Публикации

Çынна сума сăвакан - хăй те сум куракан

Районти тĕп больницăра Ватă çынсен пĕтĕм тĕнчери кунне кунта ĕçлесе тивĕçлĕ канăва тухнă шурă халатлă ĕçченсем йышлăн хутшăнчĕç. Чи малтанах сумлă пенсионерсене районти тĕп больницăн тĕп врачĕ Н.Уркова ăшшăн саламларĕ. Надежда Викторовна аслă юлташĕсене пурне те лайăх пĕлет, чунтан хисеплет, чылайăшĕпе пĕрле халăх сывлăхĕшĕн кĕрешнĕ. Сăмах май каласа хăварам, Н.Уркован амăшĕ, Маргарита Сергеевна Перушкина, ĕмĕрне больницăра ĕçлесе ирттернĕ. Хисеплĕ медсестра хăйĕн ĕçтешĕсене чылай çул ертсе пынă. Çын çине сасă хăпартса курманскер, хĕрне те çепĕç те ăшă кăмăл, ырă туйăм парнеленĕ. Мал ĕмĕтлĕ тухтăр хăйне шанса панă кирек мĕнле ĕçе те пысăк яваплăхпа пурнăçлать. Çынна ăнланакан тухтăр ĕçтешĕсенчен çирĕп ыйтать, чирлисемпе яланах çепĕç калаçать. Вăл диагноза тĕрĕс лартакан тухтăр. "Турă пани пурах унăн, тухтăр пулмах çуралнă", - теççĕ ун пирки районта. Тĕп врачăн салам сăмахĕ çумне профсоюзăн вырăнти комитечĕн председателĕ А.Ястребова хутшăнчĕ. Çавăн пекех А.Сайкина, З.Кузьмина пенсионерсем сăмах илчĕç. Вĕсем администраци ватă çынсене манманни, вĕсемпе тĕл пулса калаçни питĕ те вырăнлă пулнине палăртрĕç. "Епле те пулсан чунпа ватăлас марччĕ, утса çỹресе пурнăçа малалла тăсасчĕ. Пĕр-пĕринпе тĕл пулса калаçни пурăнас кăмăла çĕклет", - тесе çирĕплетсех пĕлтереççĕ ватăсем. В.Мальцев врач хăйĕн сăмахĕнче ватлăхран никам та пăрăнса юлманнине палăртрĕ. Туслă тĕл пулу хыççăн хисеплĕ ватăсемпе шурă халатлă ĕçченсем фонтан патĕнче йывăç тĕмĕсем лартрĕç. "Сывлăх аллейинче" ирга, хура пилеш, катăркас, шăлан тата ытти тĕрлĕ тĕмсем çитĕнĕç. Вĕсене упраса хăварас тесе коллектив çине тăрса ĕçлĕ. Уява пухăннисене Елчĕкри искусство шкулĕн преподавателĕсем концертпа савăнтарчĕç. Юлашкинчен ветерансене больница администрацийĕ вĕри чейпе, тутлă çимĕçпе сăйларĕ. Сăн ỹкерчĕкре: ветерансем тĕп больница территорийĕнче йывăçсем лартаççĕ.



"Елчĕк Ен"
06 октября 2010
00:00
Распечатать
Поделиться

Мы используем файлы cookie для персонализации контента, предоставления функций авторизации и анализа трафика. Пользуясь данным сайтом, пользователь даёт согласие на обработку своих персональных данных, передачу (в т.ч. в сторонние сервисы анализа посетителей Спутник.Аналитика, Яндекс.Метрика) и обработку данных о посетителе (а именно IP-адрес, предполагаемое географическое положение, версия браузера, разрешение дисплея, версия операционной системы и вспомогательного программного обеспечения, модель устройства, ресурсы, поисковые системы, фразы, баннеры, с которых был переход на сайт, список посещённых страниц и проведённое время на сайте), а именно - совершение действий, предусмотренных 152-ФЗ «О персональных данных». Файлы cookie не содержат сведений, на основании которых можно идентифицировать пользователя. Если посетитель не согласен на использование файлов cookie, он может соответствующим образом установить настройки своего браузера, что может отразиться на корректности отображения содержимого сайта, или покинуть сайт.