Пуçран шăлмаççĕ

Раççейре наркотиксемпе суту-илỹ тăвас тата наркомани чирĕпе чирлес хăрушлăх çав-çавах пурри кашнинех пăшăрхантарма тивĕç. Çĕр-шывра тата республикăра çакăн йышши туртмалли хатĕрсемпе _ AM-HI-CO, Dream, Spice (Gold, Diamond), Zoom, Exses, Pep Spice, Yucatan Fire тата ытти те суту-илỹ тунине тупса палăртнă. Вĕсен составне шалфей (Salvia divinopum), гавай кĕлчечекĕ (Ar Gurea nervosp), сенкер лотос (Nym-phea caeulea), сальвинорин А синтетикăлла каннабиоидсем кĕреççĕ. Чылайăшĕ çак туртмалли хатĕрсене сывлăхшăн, ăс-тăншăн хăрушă пулнине ăнланмасть. Раççей Федерацийĕн 2009 çулхи раштав уйăхĕн 31-мĕшĕнчи "Раççей Федерацийĕн Правительствин наркотик хатĕрĕсен çаврăнăшĕпе çыхăннă ыйтусемлĕ хăш та пĕр йышăнăвĕсенче улшăнусем кĕртесси çинчен" 1186 номерлĕ йышăнăвĕпе килĕ-шỹллĕн маларах асăннă ỹсен-тăран хутăшĕсене, хими хатĕрĕсене наркотик хатĕрĕсен списокне кĕртнĕ. Асăннă туртмалли хатĕрсене туса кăларакансене, упракансене, сутакансене пуçран шăлмаççĕ. Йĕркене пăсакансене тупса палăртас тĕллевпе прокуратура, шалти ĕçсен министерствин, наркотиксен суту-илỹ çаврăнăшне тĕрĕслекен службăсен тата таможня службин ĕçченĕсем çине тăрсах ĕçлеççĕ, айăпа кĕнĕ граждансене уголовлă тата административлă майпа явап тыттараççĕ. Айăплав вара питĕ çирĕп.

Первоисточник: "Елчĕк Ен"

Опубликовано

29 мая 2010
00:00

Распечатать

Пу&#231;ран ш&#259;лма&#231;&#231;&#277;

Пуçран шăлмаççĕ