Çынна сиен ан кỹтĕр

Пахалăхлă шывпа усă курни çыннăн сывлăхне витĕм кỹрет. Çавăнпа ĕнтĕ ĕçмелли шыв парса тăрассине лайăхлатса пырасси çине куллен пысăк тимлĕх уйăрмалла. Çак тĕллеве пурнăçласа пăрăхсенчи шыв пахалăхне палăртнă вăхăтран кая юлмасăр тĕрĕслессине йĕркелесе пыратпăр. Кăçалхи 4 уйăхра санитарипе хими кăтартăвĕсем тăрăх тĕрĕслеме пăрăхсенчен 14 проба илнĕ. Патреккелти ĕне ферминче тĕрĕсленĕ шыв хăйĕн хытăлăхĕпе тата нитратсен хисепĕпе гигиена нормативĕсене тивĕçтермен. Шыври микробиологи кăтартăвĕсене тĕпчесе пĕлес тĕллевпе районĕпе 42 проба илнĕ, вĕсем пурте гигиена нормативĕсене тивĕçтернĕ. Централизациленĕ майпа шыв илсе тăракан çăл куçран санитарипе хими, микробиологи кăтартăвĕсем тăрăх тĕрĕслеме илнĕ шыв пробисем те нормативпа ыйтнине тивĕçтернĕ. Ăшăх çĕрте вырнаçнă шыв хăвăрт вараланать, çавна май тасалăх тĕлĕшĕнчен те вăл шанчăклах мар. Анчах та шыв сахал районсенче е вăл питĕ тарăн вырнаçнă тĕлте ял халăхĕ çав шывах ĕçме пултарать. Ун пек чухне эпидеми чирĕсем сарăласран шанчăклă мерăсем йышăнмалла.

Первоисточник: "Елчĕк Ен"

Опубликовано

29 мая 2010
00:00

Распечатать

&#199;ынна сиен ан к&#7929;т&#277;р

Çынна сиен ан кỹтĕр