Елчĕкри "Автотур-Бизнесцентр" çывăхĕнчи ункăра вырнаçтарнă фотофиксаци приборĕсем çул-йĕр правилисене пăснă водительсен транспорт хатĕрĕсене, патшалăх номерĕсене ỹкерсе илеççĕ. Вĕсем пулăшнипе çак кунсенче ГИБДД ĕçченĕсем йĕркене пăхăнман водительсене тупса палăртнă, 2 водителе çула уйăракан йăрăм урлă каçнăшăн, тăваттăшне ытти йĕркене пăхăнманшăн айăпланă. Çула уйăракан йăрăм урлă каçакансен транспортпа çỹреме ирĕк паракан правапа вăхăтлăха сыв пуллашма тивет, ыттисем штраф тỹлеççĕ.