Сăвăм ỹсет

Фермăри сăвакан ĕнесене симĕс курăк çине кăларнă хыççăн вĕсем ытларах сĕт антарма пуçларĕç. "Сатурн" ял хуçалăх предприятийĕнче çу уйăхĕнче ĕнесене тăрантарма 25 гектар ыраш калчи уйăрнă пулнă. Ура айĕнчи йỹнĕ апатпа туллин тăрантарнăран çак тапхăрта сăвакан ĕнесен продуктивлăхĕ ỹснĕ. Хальхи вăхăтри сăвăм та пысăк _ фермăра куллен кашни ĕнерен 22 килограмран кая мар сĕт сăваççĕ. Район администрацийĕн ял хуçалăх управленийĕн тĕп зоотехникĕ В.Васильева хуçалăхра ĕçе тĕрĕс, пĕлсе йĕркеленине палăртать. Кунта кĕтỹçĕсен ĕçне икĕ сменăпа йĕркеленĕ. Борис Миронов, Николай Афанасьев, Юрий Аввин кĕтỹçĕсем ĕнесене ирхине сунă хыççăнах ятарласа уйăрнă лаптăка çитерме илсе тухаççĕ, кăнтăрла вăхăтне лагере кĕртеççĕ, каçхи сăвăм хыççăн ĕнесене тепĕр хут калча çине кăлараççĕ. Çу уйăхĕнче çитерме ятарласа уйăрнă, усă курнă лаптăка иккĕмĕш хут кукуруза, рапс акса хăварнă. Вăл сăвакан ĕнесене кĕркунне тăрантарма ĕлкĕрет. Хальхи вăхăтра ĕнесене симĕс апатпа туллин тăрантарнипе пĕрлех кулленхи рациона йĕркеленĕ чухне çăнăхпа, жмыхпа усă курассине те тĕп вырăна хунă. Роза Сундулова, Светлана Мышкина, Ирина Кукурузова, Любовь Курчина, Надежда Титова, Вера Ласточкина дояркăсем хăйсене шанса панă ĕç вырăнĕсенче яваплăха туйса тимлени те ĕçе тивĕçлĕ шайра йĕркелесе пыма май парать.

Первоисточник: "Елчĕк Ен"

Опубликовано

03 июня 2009
00:00

Распечатать

С&#259;в&#259;м &#7929;сет

Сăвăм ỹсет