Юн пани _ сăваплă

Шупашкарта федерацин травматологи, ортопеди тата эндопротезировани центрĕ уçни юн илес ĕçе çĕнĕлле йĕркелеме хистет, общество пурнăçĕнче донор пĕлтерĕшĕ татах ỹсет. Федерацин юн службине модернизацилемелли программăна хутшăнакан 15 регион йышĕнче Чăваш Республики те пур. Программа тĕллевĕсем уçăмлă _ юн илекен станцисен пурлăхпа техника никĕсне тĕреклетмелле, хальхи кăткăс оборудованипе пуянлатмалла, медицинăн асăннă отраслĕпе çыхăннă мĕнпур информаципе усă курма май туса памалла, донорăн сăваплăхĕ пирки халăха ăнлантармалла, вĕсен йышне тăма хавхалантармалла. Программа ĕçлеме пуçларĕ. Кăçал республикăра тĕнче шайĕнчи плазма центрĕсем хута каймалла. Вĕсем тĕп центра чĕр таварпа _ донор юнĕпе, унăн компоненчĕсемпе тивĕçтерсе тăрĕç. Паллах, паянхи кăткăс оборудованиллĕ центрсем юн паракан пулмасан хăйсем тĕллĕн нимĕн те тăваймĕç. Çавăнпа та донор ят-сумне пропагандăласси, çынсене вĕсен ретне тăма хавхалантарасси уйрăмах пĕлтерĕшлĕ. Донорлăх _ пĕтĕм çĕршыв ĕçĕ, халăхăн ăс-хакăлĕн, кăмăл-туйăм çирĕплĕхĕн тĕп хаклавĕ. Çул-йĕр çинчи инкекре, операци вăхăтĕнче юн питĕ кирлĕ пулнине пурте лайăх чухлатпăр. Енчен те унăн пĕр компоненчĕ пулмасан этем пурнăçне çăлса хăварма май килмест. Юн пама чăрмавлă сăлтав çук пулсан _ памалла. Предприятисемпе организацисен, хуçалăхсен ертỹçисене, çамрăксене çак ырă ĕç патне туртăнма ыйтатпăр. Çак кунсенче Аслă Таяпара донор кунĕ иртрĕ. Унта 51 çын хутшăнчĕ.

Первоисточник: "Елчĕк Ен"

Опубликовано

17 января 2009
00:00

Распечатать

Юн пани _ с&#259;вапл&#259;

Юн пани _ сăваплă