Çул-йĕр çинче пулакан инкексен шутне чакарас, водительсемпе çуран çỹрекенсене тимлĕ пулма, пĕр-пĕрне хисеплеме хăнăхтарас тĕллевпе республикăра, районта çулсеренех "Пешеход" операци йĕркелетпĕр. Кăçал вăл раштав уйăхĕн 25-27-мĕшĕсенче иртрĕ. Асăннă операци вăхăтĕнче çул-йĕр правилисене пăхăнман 11 çуран çỹрекене (вĕсем кирлĕ мар вырăнта çул урлă каçма тăнă) тата çуран çỹрекенсене ятарлă вырăнта çул урлă каçма чăрмантарнă 6 водителе айăпланă. Кăçалхи 11 уйăхра район территорийĕнчи çул-йĕрсем çинче çуран çỹрекенсем çине пырса кĕнипе çыхăннă 5 авари регистрациленĕ. Вĕсенче 1 çын вилнĕ, 4-шĕ тĕрлĕ сурансем илнĕ. Умра _ Çĕнĕ çул, Раштав уявĕсем. Çавăнпа та çак уяв кунĕсенче манăн водительсемпе çуран çỹрекенсене уйрăмах тимлĕ пулма ыйтас килет. Водительсене хăвăртлăх режимне пăхăнма, çуран çỹрекенсене çул варрипе мар, хĕррипе утма сĕнетĕп.