"Нива" агрофирма ертỹçи Николай Гладков малтанах ялта хресчен (фермер) хуçалăхĕ йĕркелерĕ. Çĕр улми лартса çитĕнтерес тĕллеве пурнăçа кĕртсе пысăк утăмсем тума пуçларĕ çамрăк. Раççейри Çемье çулталăкĕ Гладковсемшĕн ахаль иртмерĕ _ çемье çавăрни вунă çул иртнĕ хыççăн унăн мăшăрĕ, Ольга Николаевна, харăсах виçĕ пепке парнелерĕ: икĕ хĕрачапа пĕр ывăл. Çакăнтан пысăк телей мĕн пур-ши тата тату та килĕштерсе, юратса пурăнакан мăшăршăн?! Телей те ăнăçу Гладковсене!