Юбилей ячĕпе _ наука конференцийĕ

Тĕнчипе паллă академик, ученăй-химик, СССР Наукăсен академийĕн чăн членĕ, икĕ хутчен СССР Патшалăх премине илме тивĕç пулнă Хабиб Миначевич Миначев çуралнăранпа 100 çул çитнĕ ятпа наука конференцийĕ ирттерме палăртнă. Вăл раштав уйăхĕн 19-20-мĕшĕсенче Чăваш патшалăх гуманитари ăслăлăхĕсен институтĕнче тата Патăрьелпе Елчĕк районĕсенче иртет. Унта çакăн пек ыйтусене сỹтсе яваççĕ: Х.М.Миначевăн пурнăçĕпе ĕçĕ-хĕлĕ; Х.М.Миначев шкулĕ тата унăн наукăри пуянлăхĕ; Чăваш Ен _ академикăн пĕчĕк çĕршывĕ. Наука форумне наука, вĕрентỹ деятелĕсем, аслă вĕренỹ заведенийĕсен преподавателĕсем, тăван тавралăх историйĕн тĕпчевçисем хутшăнаççĕ. Конференци делегачĕсем Елчĕк Ене раштавăн 20-мĕшĕнче çитсе кураççĕ, район центрĕнче, библиотекăра, музейра, Лаш Таяпа ял тăрăхĕнче пулаççĕ. Конференцине хатĕрленсе ирттерес тĕлĕшпе 13 çынран оргкомитет туса хунă. Унта çак çынсене кĕртнĕ: В.С.Григорьев _ Чăваш патшалăх гуманитари ăслăлăхĕсен институчĕн директорĕ; Л.П.Кураков _ Чăваш патшалăх университечĕн ректорĕ; Л.Н.Воронов _ ЧППУн биологипе хими факультечĕн деканĕ; Ф.А.Гибатдинов _ Чăваш Республикинчи тутарсен пĕрлĕх центрĕн ертỹçи; Н.И.Глухов _ Патăрьел район пуçлăхĕ, С.А.Карягин _ Чăваш Республикипе Раççей Федерацийĕн культурăн тава тивĕçлĕ ĕçченĕ, ĕç ветеранĕ; В.Н.Клементьев _ Чăваш патшалăх гуманитари ăслăлăхĕсен институчĕн истори пайĕн заведующийĕ; Н.И.Кольцов _ ЧПУн хими факультечĕн деканĕн çумĕ; В.В.Матвеев _ Чăваш Республикин вĕрентỹпе çамрăксен политикин министрĕн çумĕ; Н.П.Миллин _ Елчĕк район пуçлăхĕ; П.П.Сидоров _ СССР Журналистсен Союзĕн членĕ, Раççей Федерацийĕн писательсен Союзĕн членĕ; Л.П.Петров _ Чăваш патшалăх гуманитари ăслăлăхĕсен институчĕн ученăй секретарĕ; В.Г.Харитонов _ институт директорĕн наука енĕпе ĕçлекен çумĕ.

Первоисточник: "Елчĕк Ен"

Опубликовано

19 декабря 2008
00:00

Распечатать

Юбилей яч&#277;пе _ наука конференций&#277;

Юбилей ячĕпе _ наука конференцийĕ