Чиркỹ пулăшу ыйтать

Тĕмерти Турă хĕресне çĕкленин чиркĕвне 1876 çулта туса лартнă. Темле синкерлĕ саманара та вăл ĕçлеме пăрахман, Турра ĕненекенсене йышăннă. Тĕмер чиркĕвĕнче районта пурăнакансене кăна мар, кỹршĕллĕ районсенчен те тин çуралнă ачасене шыва кĕртнĕ, çамрăк мăшăрсене венчете тăратнă, вилнисене асăнса юлашки çула ăсатнă. Çавăнпа пин-пин çыншăн вăл чуна çывăх. Юлашки çулсенче чиркĕве юсаса çĕнетес тĕлĕшпе нумай ĕç тунă. Унăн никĕсне çĕнетнĕ, урай хăмисене улăштарнă тата ытти те. Кăçал чиркỹ хуçалăхĕнче усă курмалли çурт туса лартнă. Тăкаксем сахал мар. Халĕ чиркỹ настоятелĕ Петĕр атте сĕннипе чиркỹ канашĕ пысăкрах чан илме шут тытнă. 1931 çулта влаçсем ирĕксĕрлесе 100 пăтлă чана антарса тимĕр-тăмăра ăсатнă пулнă. Çавăн вырăнне Тĕмерсем 60 пăтлă чан илсе çакасшăн. Унăн янăравлăхĕ ĕлĕкхине çитеймесен те хăватлă пулмалла. Çавăнпа Петĕр атте Турра ĕненекенсене, чиркĕве хисеплекенсене çĕнĕ чан туянмашкăн укçа-тенкĕпе пулăшма чĕнсе каланă. Паян ун валли укçа-тенкĕ пуçтарас ĕç пуçланнă ĕнтĕ. Турă сăмахне, сăваплăхне ĕненекенсем кунсерен чиркĕве укçа пыра-пыра параççĕ. Паллах, ку енĕпе Тĕмерсем пуçаруллă, ытти ялсенче пурăнакансем те айккинче юлмаççĕ. Районти хăш-пĕр хуçалăхсем, предприятисемпе организацисем пулăшма пулни çинчен пĕлтернĕ. Вĕсем укçа-тенке чиркĕве пырса пама та, банк урлă куçарма та пултараççĕ. Унăн реквизичĕсем çапла: Приходской совет церкви Рождества Христова ИНН 2120001627 КПП 212001001, расчетный счет 40703810675090000029, Батыревское ОСБ 4440 с.Батырево БИК 049706609, Корр. счет 30101810300000000609, назначение платежа: Пожертвования на колокол.

Первоисточник: "Елчĕк Ен"

Опубликовано

19 декабря 2008
00:00

Распечатать

Чирк&#7929; пул&#259;шу ыйтать

Чиркỹ пулăшу ыйтать