Яльчикский муниципальный округЧăваш Республикин Елчĕк муниципаллă округĕ
Вăхăтпа туллин усă кураççĕ
Хальхи вăхăтра ял хуçалăх предприятийĕсенче пикенсех утă, сенаж хатĕрлеççĕ. "Свобода" ял хуçалăх производство кооперативĕнче те ĕç тухăçлă, кал-кал пырать. Николай Романов тĕп агроном каланă тăрăх хĕл кунĕсенче фермăри выльăх-чĕрлĕхе тăрантарма пурĕ 730 тонна сенаж, 600 тонна силос, 300 тонна утă хатĕрлемелле. "Умри тĕллевсене пурнăçлатпăрах", _ тет тĕп агроном. Ĕçре Леонид Усанов, Венедикт Денисов, Григорий Шуйков, Андрей Львов, Владимир Чернов механизаторсем пысăк тăрăшулăх кăтартаççĕ. Андрей Львов _ çамрăк, ял хуçалăх академийĕн студенчĕ, президент стипендиачĕ. Кăçал выльăх-чĕрлĕх апачĕ туса илме çанталăк кансĕрлет, кашни кун тенĕ пек çумăр çăвать. Апла пулин те Шăмалаксем çухалса каймаççĕ, уяр çанталăкăн кашни саманчĕпе туллин усă курма тăрăшаççĕ.
"Елчĕк Ен"