Павловсем хальлĕхе çĕнĕ çурта куçайман-ха, Сашăн ашшĕпе амăшĕн килĕнче пурăнаççĕ. Çĕнĕ пÿрте штукатурка тунă, ăшăтмалли системăна хута янă, çут çанталăк газĕ кĕртнĕ. Халĕ шалта пурнăçламалли вак-тĕвек ĕçсем юлнă.

“Раççей гражданĕсене – туянма май пур тата хăтлă çурт-йĕр” наци проекчĕ ăнăçлă пурнăçа кĕрсе пынинче Раççей Федерацийĕн, Чăваш Республикин Президенчĕсен тÿпи пысăк. Çурт-йĕр çавăрнă чух пысăк пулăшупа усă курма май туса панăшăн вĕсене, район пуçлăхне, ял тăрăхĕн пуçлă-хĕпе специалисчĕсене, райадминистрацин специалисчĕсене пысăк тав сăмахĕ калас килет”, – палăртать кăмăллăн А.Павлов.