ЕЛЧĔК районĕнчи Çÿткÿлти пĕтĕмĕшле пĕлÿ паракан тĕп шкулта нумай çул ĕçленĕ, анчах инкеке пула çĕре кĕнĕ Козловсене асăнса волейболистсен пиллĕкмĕш турнирне ирттернĕ. Районтан сакăр команда хутшăннă. Куçса çÿрекен кубока Курнавăш ялĕн туслă команди çĕнсе илнĕ. Иккĕмĕшпе виççĕмĕш вырăнсене Çĕнĕ Пăвасемпе Аслă Пăла Тимешсем пайланă. Çĕнĕ Пăвари Алексей Балашников турнирăн чи ăста вăйăçи ята тивĕçнĕ.