Галина Пантелеймоновна 11 класс ачисен ертÿçи, математика предметне вĕрентет. Юратнă класс руководителĕ ырă кăмăллă та хастар çын. Вăл предметне питĕ лайăх вĕрентнипе кăна мар, пултарулăхĕ тĕрлĕ енлĕ пулнипе палăрса тăрать. Галина Пантелеймоновна ертсе пынипех эпир шкулта иртекен конкурссемпе мероприятисене питĕ активлă хутшăнатпăр, малти вырăнсене тухатпăр. Вăл кашни ачан шухăш-кăмăлне пĕлсе тăрать, йывăр вăхăтра пулăшать, ашшĕ-амăшĕсене яланах класс пухăвĕсене чĕнет. Ăс панисĕр пуçне пире, ватăсене, хисеплеме, сăпайлă та ĕçчен пулма хăнăхтарать.

Альбина Николаевна вара чăваш чĕлхи тата литература предметне вĕрентет. Эпир унăн урокне яланах хаваспа кĕтсе илетпĕр, тимлĕн итлесе ларатпăр. Урок темине ачасем лайăх ăнланччăр тесе вăл тĕрлĕ вĕренÿ мелĕпе усă курать. Мĕнле итлесе лармăн-ха çепĕç чĕлхеллĕ çын темăна тĕплĕн ăнлантарнине. Вăл ĕçре тăтăшах çĕнĕлĕхсем шырать. Унăн урокĕсем яланах интереслĕ иртеççĕ. Альбина Николаевнăн сăн-пичĕ çинче яланах йăл-кулă, вăл çутă ĕмĕтлĕ çын пулни таçтанах палăрать.

Учительсем тăрăшса вĕрентнипе эпĕ çынна хаклама, ырра усалтан уйăрма вĕрентĕм.